031108

縱使生活過得不大如意，但我仍然熱愛生活，熱愛生命。

人生不如意事十常八九，即係話你知你成世人十樣有八九樣都唔合心水家喇！咁點啊？唔駛做人呀唔通？
睇得開，即係豁達，講就易，做就難。

都要做人家，唔開心，好洩底家！人地個個花樣年華係咁揮係咁霍，你就自己成個傻仔咁日日唉聲嘆氣，為乜？god know呀真係！

如果開心係唔緊要既，點先係重要？

唔開心既時候，我學到點照顧自己，點去堅強，點去克服問題，呢D開心既時候係唔會諗既，長大喎，冇人會特登走黎通知你囉！

家人，冇要求家，比下家用，得閒錫下佢地逗下婆婆，逗下媽媽，見佢地笑下，個心都舒服D。

朋友，成日提點我點去做好自己，點去尊重自己，就算唔係講出口，我地玩心照，堅過石堅。

事業，我好想做好我既本份，但係失眠已經正式影?我既工作表現，自己都唔滿意點叫人滿意？所以我一定會好返！係一定要！

興趣，我做緊，好努力咁做緊，認真，同埋唔會咁容易放棄，就算難行都要行，但係我真係唔想有太多既阻礙，我要好好的專心的做好佢。

我知時間日日分分秒秒過，唔想浪費，用得其所，首先要好好分配，就算一個人Heir一個人抖都有佢既價值。
就算真係要浪費，就浪費得轟烈 D。

有機會，我會爭取。
冇機會，我會等待。

成日都覺得自己好幼稚既我係咁諗