戒煙

這兩天比較專注的事情就是口腔清潔的問題,我早知自己有牙周病,而且不是搞下笑小小果隻,二月洗牙時已被牙醫多返提點,最近換了牙膏也是為了牙仔痺,換了的確改善了痺痺的問題,但是牙周病好像沒有根治的方法,只有令他不再惡化,所有資料都提及戒煙這個問題。

唉,戒煙對身體健康,可以慳返幾十蚊,一包等如一餐飯仔,我已經試過好多次,但無次成功,點先可以的起心肝戒走佢呢？恆心/堅毅的意志點激發出黎呢？我都想自己健康啲,但戒煙真係唔係想像中咁容易囉,最快做到都係減少個量,其實我都唔算食好多,兩三日一包倒啦,如果可以變到一星期一包,即係每日數住自己食左幾多咁,咁應該會易啲,我諗。

食開煙既人都會有佢既pattern,自己為例,必食一定係食飯之後,大大,其他都無話一定要食好想食咁,except: 煩人既時候/眼訓既時候/好悶既時候,唉,怎辦怎辦？煩氣/眼訓情況唔見得少囉,心情納悶,一呼一吸好似真係爽啲咁囉,我都知呢個概念係錯的,要改一個長長期既壞習慣真係唔容易,希望可以搞走佢。

起身後一陣,訓覺前一陣呢兩支我今日開始要飛走佢,一步一步黎啦。
要加油呀！要努力呀！要健康呀！