祝你幸福快樂

初戀情人告知將於本年十月結婚,問我去唔去飲。嗯,我都係答佢等佢印帖果時再問我,話晒去飲初戀果餐,唔想應承左之後又去唔到。點都好,祝福你。

細個果時曾經好喜愛,當然,大個左,依家都明白當時只係太年輕。

有魯莽既時候,草率既時候,做錯既時候,認真既時候,開心既時候,傷心既時候。

直至今日,大家都長大了,我相信自己真真正正成為一個女人,唔經唔覺,我都學識左好多好多既野,正面負面其實都只係在於每個人既本質同埋心態,希望你結婚之後會修心養性,做個顧家好男人,亦都希望你會快啲有個健康小寶寶,珍惜你擁有既野。王業恒,幸福快樂呀！