030116

風雨過後不一定有美好的天空
不是天晴就會有彩虹
所以你一臉無辜 不代表你懵懂

不是所有感情都會有始有終
孤獨盡頭不一定惶恐
可生命總免不了 最初的一陣痛

但願你的眼睛 只看得到笑容
但願你留下每一滴淚 都讓人感動
但願你以後每一個夢 不會一場空

天上人間 如果真值得歌頌
也是因為有你 才會變得鬧哄哄
天大地大 世界比你想像中朦朧
我不忍心在欺哄 但願你聽得懂
但願你會懂 該何去何從

xxxxxxxxxxxxxxxxxxxxxxxx

本月十四號，我的小弟弟的生日，我們一家人替他慶祝，舅父舅母，阿表阿威，海量盈盈，阿婆阿媽，梗有我份。

中段，媽媽舅父舅母飲大了：

例證一 ~~ 唸詩 已經驚驚地，
我地六個，連我埋小弟弟在內已走到房內暫避

例證二 ~~ 唱粵曲
呢嚮間房都聽到，我地幾個已經心知今次佢地飲大左，仲要係合唱

於是出廳話食蛋糕，跟住，我媽媽無端端喊，嚇得我，咁我問佢咩事，

「傻咩你，喊咩唧？」
「最衰係你，細細個就呃你細佬話佢係響街執返黎，你果時整喊佢呀！」
「講笑咋，我有講過？真係唔記得喎！」 (我係即刻呆左，流汗狀)
「我生佢生得咁辛苦，你話佢執返黎喎！搞錯呀你！」
「唔係哩我真係唔記得喎！咁你依家做乜喊呀？」
「 佢囉，你細佬喊我咪喊囉」

另轉頭睇下，唔係講笑，細細佬真係喊緊。咁佢就入左所啦！注意，呢一刻個蛋糕係未切既，

我安慰勁喊既媽媽「依家咪好囉，我地又大個啦，環境又好左囉喎，老豆都算係咁啦，你喊咩丫喊。」
媽媽係用迷網既眼神回答我「我飲醉左囉！」啤……

跟住切蛋糕，蛋糕都未切完，就輪到舅母，舅母仲激，嘔埋。咁同細細佬慶祝，個場面真係經典。結果個生日會最清醒係我地六個晚輩，細細佬話係好開心所以喊，我都冇咁驚。不過佢講真係好開心，咁我咪鍚啖過佢囉，都15歲喇細細佬，唔細喇！要堅強D要叻仔D呀！個個最鍚都係你喇！

xxxxxxxxxxxxxxxxxxxxxxxxxx

生日會後，出去同笑芝飲野，上SHELTER，嗯！慢慢一邊飲紅酒啦，一邊傾下計咁。

笑芝看得好通透，有緣份相識，真的很好！

中途她提及的信念論，使現在的我還在想著什麼似的。

好散亂的回憶，
一杯一杯，
紅酒，臉紅，
笑芝的朋友，
外藉男士come from 唔知邊度
對話．笑．沉默．再笑．
題目無定，
壞男人，強女人
三分一床位．甚至無位．
罪惡感．像打火機的唇膏．
長髮男．17/F house

笑芝，很高興認識你！