030208

好明顯，做左二十一年人，最最最對自己鐘意既野奮不顧身都可算係呢一次，要我好熱烈咁鐘意一樣野唔係唔得，但係一定要互動囉！即係你當我係fan屎你都要記得我個名知道我係邊個咁。所以任何死物都絕對唔會令我產生熱烈既興趣。(咁當然文字係有超強既力量．呢樣係例外．因為佢唔係死既)果期Hello Kitty 麥當勞就真係風聲鶴唳，個個男性朋友求你幫佢食一個老麥，你幫佢佢當正你係佢救命恩人呀！同期，女性朋友會話你睇佢幾好丫，佢幫個女朋友換kitty呀，你睇下丫！心諗，真係有咁愛一個人你好心就咪鬼要人同你勁食麥當勞啦，無益家，佢無錢果時你唔叫佢同你食麥當勞，果句：「唔好食啦，成日食。」現實到丫。

我從來都唔好呢家野，換呢換路，你覺得我鐘意你買比我好地地，如果要排生排死先有個公仔既話，咁我情願你訓多陣， 又或者你同我講陣電話好過。 為咩丫，你話。

我而家同李生都算係咁。有一點我會承認，係有d傾慕佢，咁佢硬係有佢既優點，有佢好型既時候啦，不過唔係有好多人知jer，唔係我點會咁激呀。(雖然佢有時個人好23，但係佢響我心目中真係好掂。)

以前同依家都咁覺得，有時自己鐘意既野唔係好想佢紅囉！即係果時自己一早鐘意黃巴士麥mug同麥dull，你既同學會話你咁大個人仲買埋d咁既書，冇野呀你。到依家大街小巷老翻勁充斥，真係有小小頂。好喇！唔講麥mug，幾米喇！唔係楊千嬅唱一唱，你真係唔會見到d 人自製向左走向右走既flash版囉，講真，呢d真係人地心血黎個喎！你一句公諸同好，咁就放左上網不停咁e黎e去，本人至少收到四至五個版本…唉，真係唔知講乜好。但係暗地裡自己知既，好野到頭來實有人欣賞家啦！望就望佢紅得黎唔好變賤既jer！

食埋藥，訓覺！

聽日，公司食飯，邊爐，麻雀，卡拉ok，四時半恭候，八時入席。
其實唔想去…