030623

十八相送，還在追看中，好看啊！很想知道隨後會發生什麼事，但又捨不得把他看完，貽興，寫多點吧！最好一浪接一浪！哈！閱讀報告我唔怕啊，最好你就寫啊寫，寫到我睇唔切為止！
哈！哈！

xxxxxxxxxxxxxxxxxxxx

星期五晚補祝珊珊生日，BBQ，筲箕灣某唐樓天台，個view係見到維多利亞港，東區酒廊，燒下燒下，落大雨啊！初初大家都仲係懶型咁唔當一回事家，跟住狗屎貓屎一齊落，冇得再話要型啦，咁型法非典型都有份囉！入屋，得隻狗起度，佢地一個二個飲酒喇，咁我第日仲要返工家嘛，梗係要克制下自己啦，咁就同一隻只係識得反肚要人抓痕的狗，玩左成粒鐘，到酒廊一會，原來在吹水，坐下企下，影下相，我再上九樓天台，朋友家身處八樓啊下！嘩！我幾型啊真係，一個人睇日出，但係個日頭死都唔出，見到D雲由黑變藍再變灰，算，我當自己睇左。五點半，頂唔緊，嗌走，六點離開，落到地，後生仔同我講話要飲茶，一心諗住返歸沖涼再返工既我只有O嘴回應，竟然大我，問我知唔知乜係青春，後生仔話青春係要黎燃燒同side既，個心頂住，去咪去，駛死，入到酒樓已經進入迴光反照局面，返埋屋企沖埋涼，返工，好彩迴都比我迴到晏畫，趕得切返屋企訓覺，真係god bless me!!

星期六夜晚再搵命博，朋友雞生日，飲酒預左，星期六都仲可以豪比佢，由晏畫既三點訓到八點，比人叫醒，出去先食飯慶祝，越南野，OK，呢個牛油雞翼幾得，集齊人馬，灣仔酒吧，都走唔甩，難得生日大家高興，高興到一臺十四十五人，死咁大半，又唔見有人嘔果下好野喎！返到屋企，又天光，我已經脫離呢個夜生活一排，真係有D唔慣。

明知兩點要起身要去貽興度幫手家，要醒啊！六點至兩點！好彩訓得好鬼?！！

珊珊，阿雞，生日快樂！！！

xxxxxxxxxxxxxxxxxxxxxxxxxxxxxxxx

謝過貽興，讓我過了這麼愉快的一個星期天。

忙啊！伊羅在貽興未到的時候打點一切，好多好多的準備功夫啊。

腳啊！在貼海報的時候給變態的蚊子咬了二十多啖，現在雙腳痕又腫。

人啊！六時七時差不多逼爆牛棚N5，站滿場內的角落。很多相認場面，我也見了小米，Alex，Caprice，H，Mooch，愛蓮，哲子，昌和閃啊！

食啊！小米．V替我們準備豐富又美味的食物，很正點啊。

笑啊！整個過程，四方都洋溢著和諧的氣氛，雖然不知道為什麼，但是就能感覺到各人都好愉快啊。

書啊！不是無城有愛，不是鐵人甲，是十八相送啊，你們知道嗎？這是貽興的第三部書，將來會有更多的吧。

簽啊！貽興不停的在簽名，替十八相送的讀者們在書上留下發佈會的痕跡啊。

我啊！待了很久很久，人潮散去少許的時候我的也給他簽了，雙眼通紅的他說不累不累，還是累吧。

你啊！你有沒有來啊？感受到那種氣氛嗎？和諧又愉快的一個晚上，大家都帶著不同的心情來到這裡啊。

走啊！大家都拿著十八相送走啊走，六月廿二，走啊走，歸家去。

你們有沒有買呢？會不會買呢？我把書看了兩節多了，還是想慢慢的看啊，不想太快的看完，看完又失落又要等了喇！

錯過了這次還有機會哦！貽興會在七月的書展來個簽名會啊，這次沒來的來吧！




備忘：


1.伊羅．貽興．兔皮．點子都有替我的蚊虰位置擦上蚊怕水，可是呢蚊太惡毒，且怕這星期也不能穿裙子了。好痕啊！好痕啊！

2.跟昌打個招呼卻弄出瘀皮來，哎，下次相認前還是先通知好。

3.小米人很好！愛蓮人很好！Mooch人很好！H人很好！Caprice人很好！Alex人很好！

4.惹笑的Alex和Toppy早日成親啊，祝你倆幸福快樂，別忘了妳可說過找我當姊妹的啊！

5.還是要再次多謝貽興！多謝你啊！