接駁鈴聲

星期三打風
雖然明知聽日返去會好多野做
明知聽日唔知幾點收工(早d返去囉~~~)
但係將一個星期分開一半的確係一件開心事
尤其係發癲咁訓
真係真係好爽

今朝比電話同事們通知佢地今日全日dayoff
竟然有個同事,佢電話既接駁鈴聲係
We are ready
起佢聽電話既時間,我一講完唔駛返就即刻問點解要用呢首歌黎做接駁鈴聲呢？其實主要目的係想笑下佢咁啫,我又未感覺到佢對奧運果種熱誠丫嘛!
佢語帶屈委咁答我,電訊公司送家,我自己都唔知
咁~~~~~~~~~~~

我覺得個台,唔駛錢一件事,變成咁又係另一件事
之前我用開果間打電話黎sell我,都係話唔駛錢唔駛cut,我一口拒絕了,主要原因係我覺得如果係我老細或者公事上既聯繫打比我係聽歌的話,感覺不太好,點知個cs電話入面同我講,話我個人唔開心,有左接駁鈴聲會開心啲,我心諗,你係咪癲家？我又唔會自己打比自己,咁又關我開唔開心乜事呢？之後都係斷然拒絕啦,佢就sell我秘書服務,唉,是但是但,總之唔好到時又要我自己記住打返去cut就還神了(佢話有sms黎reconfirm我到底愛定唔愛)好煩呀,我知你地都係做野,所以我唔會cut線亦都會有禮貌地答返話唔需要。

但係無日無之,唔同公司,唔同promotion,打黎做research,送coupon,度身訂造financial planning,關心下你有冇用到政府果一萬蚊呢,搵野學下,仲會打埋黎問你有冇財政問題,駛唔駛借錢解解你財困,其實呢我都要做野家,雖然一個電話未必係用我好多時間,但係一日幾個咁,再蹱正果d cs態度有問題既話,真係會好無奈囉。

依家我,除左我phonebook number或者我公事要聽既電話之外,3字頭同埋無字頭果d我已經唔會再聽家喇,我情願較靜音飛埋去留言,都唔想不停不停咁say no,同埋比人cut我線。

係咪我太大精神壓力呢咁？