樂觀啲

男人今日收工果時蹱親個眉骨位,傷口好深,我同左佢去廣華醫院睇急症,要縫六針,我起門口等,肉赤又心痛,等佢出返黎果時已經縫好了,十九號要去拆線,希望佢可以快d好返晒,更加希望佢拆線果日唔好太痛,擔心擔心,然後我同佢食左少少野就返屋企,唔知係咪架車個冷氣行得滯,未好返既我,返到屋企又係咁咳, 今次激啲,咳到嘔,我真係覺得好灰,但係我知我應該要樂觀啲,聽日可能因為我咳晒d痰出黎好快就好返呢。

男人真係個人好樂觀,整完出黎都同我講,(佢自己話唔要打麻醉針-_-),醫生幫佢整果時佢痛到有幾下隻腳指都識得比個v,爭d自己同自己玩十五二十,我聽完都笑左出黎,不過我最著緊都係佢痛唔痛同埋想佢快啲好返。

主打係多多禱告,希望我自己同埋身邊每一個人都可以擁有健健康康既身體,我愛既人我唔愛既人我識既人我唔識既人,希望大家都可以信主,因為呢個係最重要既事,雖然男人都唔係基督徒,不過我都希望佢有一日會相信,所以都係落力祈禱！為愛既人加多一份力量,大家都要健健康康啊~