人生階段？

最近好多朋友仔結婚, 生仔, 呢個問題我其實都未真係好認真去研究, 不過有樣野真, 見到好多BB仔, 我自己都真係想生BB, 尋日同男人傾閒計, 丫, 我想生BB, 不過如果BB似你又點點點, 似我又點點點, 男人答得勁快, 生囉...... 佢又秒殺左我喇。佢仲有個理由...遺存係咁, 仔就係似佢, 女先會似我......

其實只係想啫, 不過想同做又有好多其他野要配合, 最基本係, 認真想就要認真做好多野, 最煩人就係錢錢錢錢, 我係唔賭錢亦都無買六合彩, 橫財呢啲唔駛諗, 儲錢呢條漫長道路, 定還是我可以再努力啲搵多啲呢？

起我未好認真去諗呢d人生階段, 尤其係一般範疇講緊既適婚時期/高齡產婦諸如此類既問題。我都相信, 人就係無錯, 係咪一定要咁做, 同埋幾時做。

我自己覺得養一個BB係唔需要一開波就講到李麗珊果幾百萬, 以我自己爸媽作準, 我好明白父母係會想將最好既比佢地既仔女, 我都相信我得到佢地比我最好既成長環境, 唔係小康, 唔係好窮, 但係好肯定唔會有千幾萬養大我地三個, 但係我好開心起呢個家庭長大, 我好愛我既家人, 我覺得佢地比我既身教唔係有錢就一定有, 所以最終都係睇有冇呢個責任心去準備開展一個新家庭。

好似講到好凝重咁, 其實都真係諗下啫~~
真係要成事, 仲有排諗喇~~