電話號碼

今日怪怪地,返工放工返到屋企,十一點幾, 除左自己同阿婆個個都出晒街,坐下睇下野,咁就兩點,飯又未食, NO公仔麵ANYMORE,突然又抽起條筋,想出去飲杯野或者去海邊, 起呢個兩點既時候, 我認我忽忽地, 自從換了電話後,都換左好耐喇,好多電話號碼都無set返低,只係抄晒入個schedule度,禁下禁下,原來以前會陪我抽筋果d人既電話我都無mark返入去, 睇黎我今晚都係會好乖咁喺屋企行行企企, 或者我應該藉住呢個時間入返會陪我抽筋伙伴們的電話。

好耐無試過無啦啦咁, 細個果時,突然間想一個人出街, 就走出去, 去機舖打機, 去買書,一個人去Cafe,坐低睇啱啱買果本書,以前,細個,好自由,想做乜就做, 依家又無話唔得,又唔係唔比,不過硬係唔知點咁。

真係任性,我唔出去都要飲家喇, 訓到自然醒呀~