超．激．攰．

明明無人逼我係我自己話要拎埋啲野返屋企做,搭車想訓覺,個頭又鬼死咁痛, 恰都恰唔到, 返到黎又無飯食,又叮叮叮叮, 都好過食餅, 乾爭爭, 個頭又係咁痛, 話唔做唔做都係要做,最多做少啲,其他留返聽日做, 好攰, 勁想一撻落張床度極速訓著,最好唔駛典典下先訓到, 又想洗頭, 頭痛都係唔好,等下又要吹頭又要等佢乾,仲搞耐左。

點解啲野做極都做唔晒, 做極都仲有好多野爭緊啲客,天呀~~ 廿四個鐘真係唔夠用,我唔可以再咁爆裂式去運用我既時間喇,搞唔掂~~~~

媽咪叫我最好之後既星期日晚都留起屋企,等星期一起身我可以陪阿婆,其實都無乜所謂,不過我都只係訓起張床度,咁其實算唔算係陪左呢？如果可以好似細個咁,阿婆同我一齊訓張大床,咁就似陪喇。其實我時不時都會閃過細個住十九樓的既事,唔知阿表同細佬記唔記得呢？

嗯,好, 快手做多少少,快手訓教,我真心．超．激．攰．唔抖不得了喇！